淘寶訂磚送到喇~

雖然自問屬於熟識網絡的新一代，而且網上購物經驗非淺，但透過淘寶網購物還是第一次~

星期日晚上收到電郵後，差不多凌晨才與網店確定訂單內容。之後我已經相當謹慎，密切留意淘寶網內的發貨狀態，希望盡早把資料交給師傅，方便安排人手代為搬運上樓。不過，人算不如天算，早上回到辦公室不夠半小時，9:12收到一通不明來電。

司機：唔該余生呀~
鼠頭：（甚麼人會打這個電話找爸爸？）邊位搵余生呀？
司機：送磚黎架，送沙田邊度呀？
鼠頭：（送磚，咁快？又話要兩日先出貨？）係馬鞍山
司機：……
鼠頭：（梗係唔識路喇~）大水坑
司機：跟住呢？
鼠頭：（衝口而出）你無地址咩？
司機：只係寫住「沙田區、香港特別行政區」
鼠頭：嗄？係馬鞍山xxxx
司機：哦，中午左右送到
鼠頭：（差不多彈起）嗄？今日？
司機：（可能係望望更表）係呀~ 係今日呀~ 你果度個門口停到車嗎？
鼠頭：（完全down機）可以
司機：好，咁就無問題喇~
鼠頭：哦~ 咁我通知師傅啦
司機：到之前半個鐘我會再打俾你

唉~ 自問尚算精明的我，聽到這個突如其來的電話時，居然連最基本的聯絡資料、運費價錢、有多少箱磚都忘記問，以致之後致電亮哥，十問十不知！

發現錯漏，當然是要damage control，想回電問清楚司機，一看電話的來電顯示，司機是用固網電話打來的，打過去沒有人接聽，想是已經出發吧~ 找不到司機，找網店吧~ 公司的電腦無法登入淘寶網~ 立即請假回家？好像有點小題大造!? 於是用MSN找來貓頭，試圖遙距教貓頭聯絡網店，誰知還未登入阿里旺旺，10:21電話又響~

司機：余小姐，我是xx物流Alan，仲有半個鐘就到
鼠頭：（再次跳起）咁快？
司機：係呀，到時在門口交收，運費440港紙
鼠頭：哦，師傅電話係xxxxxxxx，我會同佢講，你到就聯絡佢啦。係喇~ 你個電話號碼係？
司機：xxxxxxxx，我到之前會打俾師傅

立即再電亮哥，他聽到半小時後到，也是「嗄？」頓了一頓然後說無問題，我留下司機電話後就收線了~

午飯時間，亮哥來電，磚已經全部收到，暫時放於低座，包裝得頗好，似乎也沒甚麼損毀，運輸費就留待下次見面時還給他。

放工後當然要上去看看，師傅明顯地曾經開箱檢查然後再封好。而我，又怎會滿足於只看紙箱呢？

相隔兩年，再看實物，想想也覺得自己真是固執，只因母親還是覺得這套磚最合心意，便再麻煩也要訂到這套磚！不過話說回來，這次裝修後，我期望爸媽能夠安居樂業，多花點心思做得完美點也是應該的~

總括而言，網店的服務態度好，所賣的磚也是原廠出品，價錢相宜，運輸司機態度其實也不錯，要是能夠早點通知運送時間就完美了。